][®][^][®][يـــــوم فــــــي حياة عضـــــو][®][^][®][

يلا يا مان احكي قصتك الحزينة

يلا يا مان وينك سمعنا قصصك وبطولاتك

يا شباب لي ما حكى يتحدت ويطربنا على بطولاته

طيب يا جماعة بدي احدثكم عن بطولاتي

هادا امبارح اول اشي انو اكيد صحيت عال4 الصبح لاني مش دارس حاجة

اول امبارح ما عرفت ادرس اشي كنت بفكر و بالي مشغول

المهم صحيت عال4 على اساس ادرس قران لاني مش دارس حاجة

قعدت شوية اطلعت بالكتاب و ما اجاني بال ادرس رحت على التلفزيون لقيت فيلم حلو

قعدت احدر فيه لل6 قمت صليت الصبح و قعدت اراجع بالآيات

لقيت حالي حافظهم و قعدت الفلف بالدار مش عارف ايش اسوي صارت الساعة 8.30

دخلت الحمام اخدت دش وطلعت لبست للجامعة ورحت للام ام اي

ويا عيني ولا سيارة لقينا الا بعد عناء طويل

المهم ركبنا السيارة و انا قعدت ورا في بنتين كانو جمبي الي جمبي البنت مزة

و مش عارف ليش كل شوي تتطلع انا خجلت و بيني وبينكم بديش اطلع عليها
لانو ازا اطلعت عليها حعديها لانو نفس واحد بس = اسبوع رشح و فلوزة

المهم وصلنا الجامعة و نزلت من السيارة و دخلنا الجامعة شفنا الشباب وسلمنا عليهم

وطلعنا على الامتحان الا بتيجي سورة المطففين الي انا مش حافظها ولا الجنرال كمان حافظها

خلصت احل الي عارفه بربع ساعة قعدت بعديها ءألف بالمعاني و الاحكام

ضلت سورة المطففين ........... هلقيت هو بدو يمكن 5 آيات منها

انا كرييييييييييم كتبتله بدالها سورة الفجر كلها و سورة الانفطار كلها

انو مش معقول اسيب حاجة فاضية وطلعت و كانت الساعة 11.30 يعني انا زكي كتير وخلصت بنص ساعة الامتحان

اول ما نزلت رنيت على الجنرال هههههههههههههههههه انو حالو من حالي بيكون قرف وبدو ينزل اتاري الجنرال مطلع الجوال و فاتح برنامج القران وبدو ينقل بالمطففين

ولما رنيت عليه سكر بوشي فراح البرنامج ونزل الجنرال عال12 بالزبط>> شكلو مش دارس منيح مش زيي اكيد انا زكي بس بنص ساعة الامتحان حليته

المهم روحنا من الجامعة انا و ام ام اي

رحت عند kta في موضوع بيني و بينو حكينا فيه و ضلينا يمكن ساعتين

الا الجنرال و البوس اجونا و قعدنا يمكن نص ساعة هناك و روحنا

فتحت النت و قعدت شوي و قرفت

نزلت العب كورة ما لحقت العب الا فيجو بيجيني كان مروح من امتحان المحاسبة الي خبص فيه

قعدنا شوي و روح فيجو بعديها كملت كورة انا و اخواتي التنين

طلعت فوق اخدت دش و عالتلفزيون بس ما في حاجة اففففففففففف

صارت الساعة 7 اجو عنا دار خالتي و قعدت مع جوز خالتي لل8 لغاية ما اجت مباراة الريال

و قعدنا نحدرها لل10 بعديها رووحو من عنا و قعدت عالكمبيوتر بعديها لل4 الصبح

وبعدين رحت عالتلفزيون لل6 وقرفت ونمت

هي امبارح الحزييييييين

هههههههه
بردو انا قعدت قدام براجع وانتا خجلان ماشي
بعددين ماشاء الله المان حلو البنات بتقاتلو عليه لما يشوفو من حلاوتو وخفة دمو
بدنا أي عضو يحكي

خجلتني يا حوج

و يلا بدنا مين يحكي اي واحد بيخش يرد يحطلنا قصته

قصة اسبوع بحالوا
اعطل اسبوع اشوفوا في حياتي
بجد زبااااااااااااله
وkta نفس الشعور امتحانات بعيد عنكم توجيهي ولا اشي جمبوا توجيهي محلاه
طول الاسبوع وانا بتمني ارجع لتوجيهي
ياسيدي ماعلينا المهم مش باقي غير امتحان
وبنخلص
اما كيف يومي كان امبارح فل بصلاه علي النبي
صلوا علي النبي
يوم الاتنين 7 واحد
اصحيت الصبح الساعه خمسه ادرس امتحان اداره بالانجليزي
والفعل تميتني ادرس لساعه 12 ارتحت اشوي واتغديت ومع انها اول مره في حياتي من مده اتغدي بدري
كملت ادراسه ودراسه لما يعني خلص مخي ودع
وكان باقي 5 شباتر واخلص هادا الكلام الساعه 6
والساعه 6 وربع قطعت اكهربا عنا ومش بس هيك هان الحلاوه
شغلت الشاحن تمو شغال سعتين طلع مش مشحون كامل قمنا انشغل الشنبر الانبوبه فاضيه
وشمع مافي مخلص( يوم تاريخي)
الساعه كانت تقريبا 8 ونص قلنا بنسج وضعنا بضو اصغير زي ضو الجوال ااره فظيعه وبديت اقرا بالشباتر الخمسه اقرايه وسحبتها نوم من 12 للخمسه الفجر وبعدين كملت ادراسه لتسعه ورحت علي الجامعه الشباب اتصلو فيا عشان انحل امتحان لااستاذ من المريخ
بما انوا انا خبير في الاداره ما علينا

محلناش الامتحان لانوا ما بنحل احنا معرفنا انوا امتحان اداره الا لسبب واحد اسم الاستاذ عليه ويمكن بلغلط محطوط
بس الحمدالله الله سهلها علينا في الامتحان وجبولنا سبع ورقات وج وقفي يعني اشي قلق وبساعتين بدك اتحل
الحمدالله مكفاش الوقت وسبت سؤال فاضي وعليه 10 علمات
وهادي قصتي ويوم الانتين واكهربا والاداره

ومش بس انا الي حابب يسئل عن امتحان الكلكولس للهندسه يتفضل الشباب طلعوا يعيطوا

بس كيف غي احلا من هيك

مش بعيدة عنك قصتي يا بلو نفس الى صار معك صار معي

امتحان الادارة الله ليعطيه عافية ولا يمسي الى حاطه بخير ايش هالامتحان

اول شي انا ما عرفت الوجه من القفا فرخين كاملين وجه وقفا يعني 8 ورقات

والله لا يورجيك يا بلو كانت الكهربا قاطعه عنا طول الليل والنهار

سحبتها من ال 4 العصر الى 2 باليل واصلا انا نمت على ال12

وبعدها صحيت على ال5 وكان ضايل 4 فصول من الادارة تقريبا 195 صفحة بدي اخلصهم قبل ال10

وبعدها بساعة خلصو ال195 كيف مش عارف تقليب صفحات قرايه مش عارف

المهم رحت بعدها على الامتحان وقدمت ويا ريتني ما قدمت ايش هدا

40 صح وغلط وقد نصهم هات المصطلح والله يعلم الباقي

وبعين الله وحسبيا الله وانت نعم الوكيل على كل الامتحانات الى في الدنيا

واكيد الكالكولس والفيزيا عند كل الشباب زي الزفت

المهم يا بلو انا وانت نتخصص كالكولس يا شريعة انجليزي

الله يعينك يا شباب

بس والله انا ايش احكي اذا امتحانات المعامل الي مفروض اسهل من النظري بجيبو شغلات اول مرة اشوفها

يعني اجالك بالكيميا المعمل 30 واحدة اختر و4 مسائل بساعة ونص ايش بدو يحلهم والله ما انا عارف والاحياء جايب كلمات اول مرة اشوفها

والله يعينا ويعين الكل

وانا معاك يا فوز وين ايام توجيهي ينعن ابو الجامعة على ابو دراستها

يعمي اكبر مشكلة في امتحانات الجامعة الوقت الوقت
يعني بكون بدي 5 دقائق وبكمل الامتحان بدون مراحعة
على العموم مشكورين كتير على هالقصص لانو انا كنت قرفان وقرفتوني بزيادة
الله يستر احنا فهليا مابدينا الامتحانات

والله يا شباب حزنتوني كلكم

يعني انا التاني بدي اقلكم قصتي

والله من قبل الامتحان بيومين بديت دراسة و كنت مخلص 3 سكشنات من الاول

يعني منيح

و اليوم كان يوم زفت عالاخر

بدي اقلكم صحيت

لا ما صحيت انا اصلا ما نمت من الاصل

لانو الي نمته ما بعتبره نوم يعني مقطع بس لما جمعته على بعضه كله طلع ساعتين او اكتر شوي

لانو كنت قلقان من الامتحان و كل شوي اصحا و انام تاني

المهم صحيت عالساعة 4 الصبح و انا على فكرة لاول مرة بحياتي ما كنت امبارح متغدي ولا متعشي يعني نايم و معدتي فاضية

اول ما صحيت اليوم الصبح حطيت صحن بازيلا برز عالميكرويف و سخنته وقعدت اكل

و عملت كباية نسكافيه و بزيادة زيادة علشان اصحصح تقلت العيار تاع النسكافيه

بس عالفاضي رحت اخد دش مية سخنة قلت يمكن اصحصح و هي الي صار حسيت حالي صحصحت

المهم قعدت ادرس هي مش ادرس قعدت اراجع يعني
المهم ضليت ساحبها دراسة لل10.30 و طلعت على الامتحان

قعدنا بالامتحان و زع الشب الورقة و الامتحان قلق

ما بتزكر سؤال اطلعت فيه و ازكر اني حاله او حالل زيه

الا اسئلة النهايات
ههههههههههههههههههههههه

المهم و انا المشكلة اني قاعد اول بنك و في كان قدامي 2 مراقبين اخخخخخخخخخخخخ

طول ما احنا بنقدم بالامتحان و هما يحكو ويضحكو

الي خاطر اسيب الامتحان و انزل فيهم ******

ما علينا المهم انا حليت الي بعرفه و هو اكيد قليل

بس صرت بعديها ءألف بالاسئلة الا طلعت عندي خلصية بعد السمع و سمعت المراقبين التنين بيحكو هيه شكله تزكر الحل انا شكيت >>> معقول بيحكو عني

المهم طنشت و صرت اكمل التأليف

الا بسمع بيقله اه هيه شكله تزكر ........ يا عمي بيحكو عني!!!!

كتبت رقم 3 و وقفت ... الا واحد منهم بيقول للتاني شكله نسي بس كتب الرقم و وقف

التاني و هو بيضحك : لا شكله مش عارف ايش يألف

ساعتها تأكدت 100% انو عني

اطلعت فيهم التنين النظرة هادي الرهيبة "نظرة الاحتقار"

و درت وشي

و ضليت ءألف لما خلص الامتحان و طلعت يعني 100000% حامل المادة

والمادة 4 ساعات يعني اشي قلق

ما علينا طلعت من الامتحان و الكل مكيفين و بيضحكو و بيقولو حنزلها عالصيفي و من هالكلام

و كلو بيقول حاملها و حاملها

انا طبعا وين اروح !!!!!

قلت لام ام اي و البوس بدنا نشيش قالو ماشي ........كلمت الجنرال و رحنا على قصر

قعدنا شيشنا

بس يا عمي شيشة وحدة مش مكفية انا منقرز و مولعة معي و بدي انسا المصيبة الي طالع منها الي هي الكالكولاس الامتحان الرهيب

نزلت كمان شيشة و مخمخنا و لعبنا طرنيب

و كنت انا و ام ام اي مع بعض ضد الجنرال و البوس

و اكيد احنا الي فزنا بالاخير +_+

وبعديها روحت على الدار و قعدت بدي اتغدى

و الكهربا تقطع وتيجي المهم تغديت شوي على ضو الكهربا و شوي تانية على ضو الجوال

الكهربا هالفترة مستلمانا استهلاس قطع 5 دقايق و بيجيبيوها تاني نظام حرق اجهزة بس

خلصت و قدعت على النت قرفت

و بعديها رجنا على kta و البوس صور اكم من ورقة و رجعت على الدار

لقيت مباراة الريال شغالة

قعدت احدرها لل10 و الريال فاز 2-0
هي الاشي الوحيد الحلو الي صار اليوم

و بجد يوم للنسيان

و اخر اليوم انا هيني قاعد بكتب بالموضوع هاداو قرفان عالاخر

الله يعينك يا مان وانا كمان بدي احكي قصة شبيهة بقصتك

يوم الخميس كنت بدرس فيزيا وكنت مخلص شبترين بعدين بالليل طلعت مع الشباب ويوم الجمعة قبل الصلاة كنت مخلصها كلها

المهم بعد ما روحت من الصلاة قعدت احل اسئلة وضلت لليل لما مخي انفجر طبعا الكل عارف الفيزيا واسئلتها

المهم روحت نمت انا اصحى ع 5 علشان اروح احل كمان الى هو صحيت ع 8 والمتحان ضايله ساعة المهم لبست ورحت ع الجامعة

الا هو بجيب امتحان في اسئلة اول مرة اشوفها من اولها اول سؤال معرفتهش الا هو بنزل علي وراها برضو مش عارفه
فقلت ايش ه المتحان من اولها
المهم عرفت احل الي بعديه بعدين رجعتلهم وحليتهم وبالاخر طلعو كلهم غلط وكمان سؤال لكيرشوف كله غلط

وروحت نمت وصحيت ع 5 وقعدت ع التلفزيون وحضرت صرخة انثى الا هي قطعت الكهربا وقعدت استنى فيها ما اجت فقلت خلص روح نام احسنلك

وهي اليوم التعيس هادا وينعغن ابو الفيزيا

لا انا قصتي غريبة مع التاريخ واول مرة تصير معي

اليوم كان عليا امتحان تاريخ والله ما يوريكو من 3 العصر ل 12 بالليل وانا بدرس

وبعدين نمت وصحيت على 3 الصبح وقعدت ل 7 وانا بدرس وبعدين رحت على المدرسة وقدمت الامتحان

والله ما يوريكو كيف كان الامتحان والله استندمت اني ما نمت وسبتو لانه قدمت مش كويس ابدا

وانا اول مرة اصحى لامتحان الساعة 3 ولا عمري بحياتي عملتها حتى ايام اخر السنة ما كنتش اصحى بدري

ههههههههههههه

بعين الله يا يويو معلش

وقد ما الواحد بيدرس على الفاضي بحس حالو مش دارس اي حاجة

وبالتوفيق انشاء الله

بس والله لسا توجيهي ولا اشي جمب لجامعة

لسا نقدم توجيهي مرتين ولا نقدم امتحان بالجامعة

وبكرة بس تروحي ع الجامعة بتشوفي

يا عمي ليش الكل هيك

انا الجامعة ماخدها سياحة

صحيح الواحد بيقرف شوي

بس يا عمي هيك النفسيات بتكون بفترة الامتحانات

عادي

بس الاحساس هادا يا فتحاوي بيجي لما تخبص بالامتحان

و انتو لو تحسبوها من صف 3 عدادي ل توجيهي

بتلاقيها زي الجامعة ال4 سنين

و كل واحد اكم سنة عنده يحسب من عندها

هههههههههههههههههههههه

والله صح كللامك يا مان
وبعدين في ناس كتير
زيي وزي المان مخدين الجامعة سياحة
ولا شو رايك يا مان

وطنش بكفي دراسة

طيب ماخدينها سياحة مختلفناش بس الي داخل كلية طب الاسنن ايش يحكي

زي حالاتي يعني

يروح يدور على بسة يعمللها سنانها

حد ضربك على ايدك يا حبيبي تخش اسنان

ايش قصدك يا فيغو

وانت يا مان ما حد ضربني على ايدي علشان ادخل طب اسنان

ماشي يا حج

طيب خلص ليش محملنا جميلة انك داخل طب الى مش قد

الشريعة ليش داخل طب

هههههههههههههه

حبيبي يا حج فتحاوي

يلا بدنا حد يحكي
المان احكي

ويلا يا مان

اليوم  باختصار نايم  باكل  نايم  ,علي النت  نايم
ومفلوز علي النت وبعديها نايم